Presentación d'o libro "O despertar de l'onso" y cena de Nadal de Nogará

Iste viernes, 17 d'aviento, imos a celebrar, como todas as anyadas, a Cena de Nadal de Nogará. A las 21h actuará o Dance de Sant Chusé, Chan Baos (Fablans) nos contará cómo se celebraba y contina celebrando-se a Navidat en Aragón (con a Tronca de Nadal), a ixo d'as 21:30, y dimpués cenaremos. A cena (y as actividatz) van a fer-se en a siede de Nogará (C/ Gavín 6) y "de trache": cadagún/a i leva bella cosa y se mete tot de conchunta.
A cena y as actividatz son ubiertas a totz y todas.
Antis, a las 19h, se presentará o libro "O despertar de l'onso", en a Biblioteca-Centro Social Pantera Rossa, en Sant Vicent de Paúl 28.
Nos i viyemos, a plantar fuerte!

XVI Feria d'o libro aragonés de Monzón

A Institución Ferial de Monzón celebra unatra anyada más a Feria d'o Libro Aragonés, que ya cumple a deciseisena edición.

Os diyas 4, 5 y 6 d'aviento se i reunirán editorials y asociacions (entre ellas Nogará-Religada) a on i presentarán as suyas zagueras novedatz editorials. Dende Nogará-Religada se i presentará o zaguer numero d'a suya revista de raso en aragonés "O Espiello" (a presentación será o domingo 5 a las 17:45 h.).

Amás, i habrá conciertos de nueitz dende as 23 h. en a carpa d'a nau d'a Zucrera, con China-Chana y Son Confusión o sabado, y collas folk occitanas o domingo.

Ta puyar-ie, o domingo irá un tren dende Zaragoza dica Monzón, con un pre de 5 € ta ir-ie y tornar-ne.

Ta saber-ne más, tanto d'actividatz, como d'o tren, como d'a feria en cheneral: http://www.ifm.es/
Todas as actividatz y conciertos son de baldes.

Cursos d'aragonés en Nogará 2010-11

Como todas as anyadas, l'asociación Nogará-Religada ufierta os suyos cursos d'aragonés de 1º y 2º ran presencials y a distancia. I hai prous horarios y o pre d'os cursos ye de 75 € (3 horas semanals de noviembre a chunio).
Si en quiers más información:
- Pasa-te por Nogará (C/ Gavín 6)
- Escribe a: asoziazion@nogara-religada.org
- Pasa-te por a tabierna A Flama (C/ Mayor 53)
Anima-te y apunta-te-ie!

Noticietas breus d'actividatz

María Pilar Benítez Marco presentó en agosto, en Chaca y Benás, o libro "María Moliner y las primeras estudiosas del aragonés y del catalán de Aragón", editau por REA, fendo homenache a 34 mullers, estudiosas de "tot lo territorio lingüistico aragonés y, per tanto, d'as tres luengas que i coexisten: aragonés, castellán y català".

Iste verano ha estau o 10º cabo d'anyo de l'Asociación cultural O Trinquete, d'Arandiga, y se i han parau unas chornadas sobre as luengas d'Aragón, y una trobada per a cultura aragonesa, con procheccions, exposicions, charradas, conciertos, cine, marcha senderista, actividatz ta ninos, teatro en aragonés, pasavillas...

As chornadas "Amplificando el silencio" d'o siello discografico Magofermín se celebrón d'o 16 a o 18 de setiembre en a ribera de l'Ebro de Zaragoza; unas chornadas de cultura libre a on se i podión conoixer atras trazas de cultura más alternativas. Se i fación charradas, tallers, radio, puestos de material d'esferents colectivos socials y culturals d'Aragón como Nogará-Religada, actividatz ta ninos, conciertos de mosica libre...

 

O 23 de setiembre se fació, en o centro social autochestionau A Enrestida, una charrada-curset d'a proposa ortografica de l'Academia de l'Aragonés, a cargo de Fernando Sánchez.

 

O viernes 8 d'octubre Nogará-Religada participó, con gran afluencia de chent, en un pasavillas prepilars per o vico zaragozano d'a Madalena, metendo as carreras en aragonés.

 

D’o chueves 14 a o domingo 17 d'octobre, estió n'a Feria de muestras de Zaragoza o Salón Aragonés, a on Nogará-Religada metió puesto, de conchunta con Ligallo de Fablans, y a on a espardidura de l'aragonés estió a-saber-lo de present: introducción a l’aragonés, charradas, teatro en aragonés, lectura de relatos curtos en aragonés…

O domingo 17 d'octubre en a ikastola Paz de Ziganda en Villava (Navarra) ha estau a gran borina d'as ikastolas navarras y d'as luengas minoritarias europeas, o Nafarroa Oinez. Entre os suyos obchectivos, ye replegar diners t'as ikastolas, pues gosan d'estar privadas, empentadas per a iniciativa de pais y mais que quieren que os suyos fillos y fillas charren en a suya luenga, l'euskera; y, prou que sí, empentar l'emplego d'ista chicota y polida luenga en a suya tierra. Amás, se i reivindican as luengas minoritarias europeas, entre as que i ha estau representau l'aragonés, como ye de dar, per Silvia Cebolla, de l'A.C. Nogará-Religada.

Nafarroa Oinez 2010

Unatra vegada más tenemos aquí a gran borina d'as ikastolas de Navarra. Entre os suyos obchectivos, son replegar diners t'as ikastolas, pues gosan d'estar privadas, empentadas por a iniciativa de pais y mais que quieren que os suyos fillos y fillas charren en a suya luenga, l'euskera; y prou que sí, empentar l'emplego d'ista chica y polida luenga en a suya tierra.
Amás, se i reivindicarán as luengas minoritarias europeas, entre as que i será ripresentada l'aragonés, como ye de dar.
Si queretz sinyar o manifiesto "Txikiak handi", que en aragonés ye "Chicotz, pero grans", individualment u como colectivo, lo podetz fer aquí: http://www.nafarroakoikastolak.net/oinez/eu/sinadurakAR.asp
O domingo 17 d'octobre en a ikastola Paz de Ziganda en Villava (Navarra) será a gran borina d'as ikastolas navarras y d'as luengas minoritarias europeas. Más info: http://www.nafarroaoinez.net/

Salón aragonés (14 - 17 d'octobre)

Dende iste chueves 14 dica o domingo 17 se celebrará en a Feria de Muestras de Zaragoza o Salón aragonés, a on i participará Nogará-Religada chunto a Ligallo de Fablans, con puesto y varias actividatz. Será ubierto dende as 11:30 dica as 20:30 h.
Iste ye o programa d'actividatz:

SALON ARAGONES, dias 14, 15, 16 y 17 d'octobre en a feria de muestras
de Zaragoza

PROGRAMA D’ACTIVIDATZ

CHUEVES 14 D’OCTOBRE
20:00 h. Introducción a l´aragonés

VIERNES 15 D’OCTOBRE
19.45 h. Obra de teatro "As cartas d'a lola Bisi" en luenga aragonesa.

SABADO 16 D’OCTOBRE
12.00 h. Demostracions d’a “tronca de Nadal” en o stand de A.C. Nogará –
Religada y Ligallo de Fablans de l´aragonés.

13.30 h Charrada en aragonés por Bastian Lasierra de Radio Ebro.

19.45 h. Obra de teatro "Caperuxeta Roya" en luenga aragonesa .

DOMINGO 17 DE’OCTOBRE
13.30 h. Lectura de relatos curtos por Fernando Estabén.

EXPOSICIONS, ACTIVIDATZ y TALLERS PERMANENTS
Espardidura de l´aragonés en el stand de Nogará – Religada y Ligallo de
Fablans de l´aragonés

Amás de tot isto, tamién i habrá atras asociacions con atras actividatz relacionadas con as tradicions, cultura, folklore y gastronomía aragonesa.

Concierto de Comando Cucaracha

Aintro d'as fiestas d'o Pilar de Zaragoza, o miercols en a carpa d'o ternasco (C/ Moret - Pza. d'os Sitios) podremos gronxiar-nos con l'actuación d'a colla aragonesa Comando Cucaracha. Será a ixo d'as 22 h.

Pasavillas en a Magdalena

Iste viernes 8, ta prencipiar as fiestas d'o Pilar de Zaragoza, se ferá un pasavillas por as carreras d'o vico zaragozano d'a Magdalena, a on se meterán os nombres d'as carreras en aragonés.
Será a las 21 h. dende a Pza. d'a Magdalena y dimpués i habrá barra astí ta fer-se uns gotetz.
Tos i asperamos!

Chornadas de Magofermín "Amplificando el silencio"

Dende maitín, chueves 16 y dica o sabado 18 se celebrarán en Zaragoza unas chornadas de cultura libre organizadas por o colectivo Magofermín a on se podrán conoixer atras trazas de cultura aleixadas de trazas más conoixidas.
I habrá charradas, tallers, radio, puestos de material de esferents colectivos socials y culturals d'Aragón, actividatz ta ninos, conciertos de mosica libre (copyleft)... Más información punchando aquí.
Iste ye o programa d'actividatz:

Programa resumen ‘Amplificando el Silencio’

Chueves 16
19.30h. Charrada taller sobre licencias libres.
A Enrestida (Callizo San Cristobal, s/n)

• Presentación d'as chornadas, experiencia magofermin con as licencias libres

• Intervención Javier Prenafeta – Advogau especialista en Tecnolochías d'a Información

• Explicación china-chana d'un caso practico d'edición de material baixo creative commons

• Preguntas cutianas

Viernes 17
21.00h. Concierto con collas editadas baixo licencias Creative Commons por o siello aragonés Magofermin:  Big Head Down + Los Draps  + Himura +Mallacán
Riberas de l'Ebro (pista patinache chunto a Q4)
Sabado 18
Riberas de l'Ebro (pista patinache chunto a Q4)
17.00h. Actividatz infantils (Gusantina)
19.00h. Brenda vechetariana (opción vegana)/Taller de radio Libre/Trobada de distris y atros colectivos aragoneses.
21.00h. Concierto en as riberas con collas editadas baixo licencias Creative Commons por o siello aragonés Magofermin y un convidau especial dende UK: Txirigol + Gen + Picore + Ox Scapula + Rebel Spell

Carrera d'o Gancho

"Un jardín para inspirARTE" ye o lema d'ista anyada d'a ya tradicional "Carrera del Gancho" que se celebra por ista calendata en o vico de San Pablo u más conoixiu como "El Gancho". Uno d'os vicos más viellos y con más historia de Zaragoza, en o suyo centro, con o paso d'os anyos s'ha convertiu en uno d'os puestos más multicultutals d'a ciudat.
Dende o sabado 18 y dica o domingo 19, un fascal d'actividatz ta totz os publicos, dende os más chiquetz dica os más mayors. Mosica, danza, teyatro, arte, tallers... tot isto y más se i ferá arredol d'a Plaza de San Pablo.
Si queretz saber-ne más --> aquí.

Concierto XVII cabo d'anyo de Radio Topo

Iste sabado 18, entre as varias actividatz que en tenemos, se celebrará en o Parque d'a Paz de Zaragoza un concierto en celebración d'o XVII cabo d'anyo d'una d'as radios libres de Zaragoza, Radio Topo (101.8 FM). I actuarán China Chana, Manolo Kabezabolo (y los ke no dan pie kon bolo), The Patinettes, y Salou y Anarquía. Tamién i habrá puestos de colectivos socials d'a ciudat y d'Aragón.
Parque d'a Paz a las 20 h.!

Gaire, III Festival d'artes escenicas de Pancrudo (Teruel)

Iste cabo de semana bi ha a-saber-lo d'actividatz muito intresants. China-chana las iremos descubrindo.
Os diyas 18 y 19 (sabado y domingo) se celebra en o chiquet lugar de Pancrudo (Teruel) a tercera edición d'un festival no guaire conoixiu entre o publico en cheneral, pero que ye d'os de mayor calidat.
Teyatro, danza, mosica, malabars, cuentacuentos, titeres, circo, clowns y asinas-asinas se darán cita en Pancrudo. I serán artistas como Eugenio Arnao, Lü de Lürdes, El Niño Costrini, Pepín Banzo, Teatro Indigesto, Juako Malavirgen, Mallacán, Teatro Arbolé entre muitos más d'Aragón y d'a resta d'o mundo. Aquí tenetz a web d'o festival con tot o que cal saber-ne.
Si tos fa goyo... Pancrudo tos aspera!

III Trobada de dances y cultura tradicional

Iste sabado 11 se celebrará en a Pza. San Agustín de Zaragoza a III Trobada de dances y cultura tradicional, a on i participarán dentre atros Prau, Dechusban, os Diaples d'a Uerba, varios dances, cuentacuentos, pasacarreras...

En a Pza. San Agustín de Zaragoza dende as 11 h. y mientres tot o diya.

Diya d'o trache tipico ansotano

Como totz os meses d'agosto (como diría a canta d'Ixo Rai) y más concretament o zaguero domingo d'agosto, unatra anyada más plega o Diya d'o trache tipico ansotano, que como ye de dar se celebra en a pirinenca villa d'Ansó.
En iste diya se remera a traza de vestir en iste lugar d'antismas, y que dica fa no guaire encara i heba chent que la feba servir. Ya ye una fiesta tradicional en iste lugar y bien conoixida en Aragón, más que más en o Pirineu.
Tos deixamos bells enrastres ta que conoixcatz más sobre iste poliu diya:

Información d'os traches y d'a fiesta
Video de Charrando TB sobre o diya

Asinas que iste domingo 29 ya tenetz una buena enchaquia ta conoixer una mica más a nuestra polida cultura aragonesa.

10ena Trobada por a cultura aragonesa (Arandiga)

Tos femos alcordanza de que iste sabado ye a 10ena Trobada por a cultura aragonesa en Arandiga (Comarca de Calatayut), organizada por l'Asociación Cultural O Trinquete d'iste lugar. A colla teyatral de Nogará "Algabenaires" i actuará con a suya conoixida obra "O yayo volador".
Aquí tenetz o programa unatra vegada:


Sabado 28 d’agosto

11.30 Tallers infantils

12.30 Teyatro infantil “O yayo volador” (Algabenaires/Nogará-Religada)

14.00 Chenta popular

18.00 Gymkana. Chuegos tradicionals aragoneses.

18.30 Concurso gastronomico “Tortiellas arandiguinas”

19.30 Pasavillas con l’Asociación de Chigants de L’Almunia y Profés Prou.

21.30 Cena popular

23.0o Concierto d’Ixuquera, Hababaura, Alkol 96 y Petrikas.

Organiza

Asociación Cultural O Trinquete (ACOT) d'Arandiga

http://acotarandiga.blogspot.com

19ª Ronda de verano de Boltanya

O venient viernes diya 20 d'agosto se celebrará unatro anyo más a tradicional Ronda de verano de Boltanya, aintro d'as Fiestas d'a Convivencia d'o lugar. A ronda ya leva 19 edicions y, como ye de dar, La Ronda de Boltaña s'encargará de plenar de mosica tradicional as carreras d'o lugar dende alto u baixo as 16:30 h. dica a nueit.
No tos n'ixublidetz!

Cartels actividatz 10eno cabo d'anyo ACOT (Arandiga)

10ena Trobada por a Cultura aragonesa (Arandiga)

Sabado 28 d’agosto

11.30 Tallers infantils

12.30 Teyatro infantil “O yayo volador” (Algabenaires/Nogará-Religada)

14.00 Chenta popular

18.00 Gymkana. Chuegos tradicionals aragoneses.

18.30 Concurso gastronomico “Tortiellas arandiguinas”

19.30 Pasavillas con l’Asociación de Chigants de L’Almunia y Profés Prou.

21.30 Cena popular

23.0o Concierto d’Ixuquera, Hababaura, Alkol 96 y Petrikas.

Organiza

Asociación Cultural O Trinquete (ACOT) d'Arandiga

http://acotarandiga.blogspot.com

Chornadas sobre as Luengas d'Aragón (Arandiga)

Viernes 30 de chulio

22.00 Prochección d’audiovisuals “Tradicions y luengas d’Aragón”

Sabado 31 de chulio

11.00 Exposición “A luenga d’o corazón” de materials en aragonés (libros, discos, comics…) por l’A.C. Ixes de Reclizas. Sabado y domingo de 11.00 a 13.00, y de tardes de 17.00 a 20.00.

18.00 Charrada “Historia d’o movimiento social por as luengas d’Aragón” por Dabi Lahiguera. Rufierta “Rechira y recuperación de l’aragonés en a Val d’o Xalón” con as asociacions La Replaceta, Nogará-Religada, Ligallo de Fablans, L’Albada y l’Academia de l’Aragonés.

21.00 Cena popular

22.30 Concierto acustico “Dechusband” (Folk-pop)

Sabado 14 d’agosto

22.00 Cine de verano

Domingo 15 d’agosto

08.00 4ª Cursa senderista popular. D’Arandiga ta Villanueva de Xalón.

Organiza

Asociación Cultural O Trinquete (ACOT) d'Arandiga

http://acotarandiga.blogspot.com

IV Feria d'o cañimo en Triste (Plana de Uesca)

Buena colla i capins (fueras d'Izarbe que encara ye chicorrona...), á o canto d'os tonels en una bodega de Cariñena.

A zaragalla prene posizions de cara t'a corrida de pollos, mientras Cherardo preba de meter-ie orden.

Tico se mira t'a camara, dezaga d'o puesto de Nogará en o Charraire Fest en Pandicosa.

VI Festibal de mosica zelta

No podió zilebrar-se o día 26 en o parque d'a Paz, por a plebia, asina que á la fin se ferá en l'anfiteyatro d'a espo iste biernes dende as 9 d'a nuei. Ista begada i tañerá, amás de Gordobordón y Briganthya, tamién Lurte!

Festibal de mosica y cultura pirenencas PIR 2010, Echo, 2-4/07

Cursos de berano

Cursos intensivos de verano d'aragonés
Án?: siede de Nogará (c/Gavin 6).
Quán?: d'o 5 a o 29 de chulio, de lunes a viernes, tres horas diarias.
Pré?: 80 euros.
Qué cal fer ta inscribir-se-ie?: Os intresaus en o curso han de ninviar un email antis d'o 30 de chunio a acnogara@hotmail.com indicando o suyo nombre, telefono, e-mail, curso en o que son intresaus (1º u 2º) y daria por a que s'estiman más (manyanas u tardis).

XIV Diya de la cultura chistabina

Corridas de pollos ta ninos y ninas

Iste biernes, y conzidindo con o prenzipie d'as fiestas d'a Madalena, Nogará organiza una corrida de pollos "á l'estilo d'o país" enzetada ta toz os ninos y ninas que quieran partizipar-ie, y asinas rebilcar y desfrutar con una d'as tradizions d'os suyos güelos.

Se ferán dende as 7.30 d'a tardi en a plaza d'a Madalena, y as fuellas d'iscrizión son disposables en a Bía Lactia, en a tabierna A Flama y en a escuela publica d'as Tenerías.

Cabo de semana en l'Alto Aragón

O biernes, conzierto solidario por Cochabamba (Bolibia), con o Comando Cucaracha, Lurte y Confiture en a peña Os Casaus de Uesca.



Y o sabado, toz y todas ta Pandicosa (Bal de Tena, Alto Galligo), t'o I Charraire Fest. Dende as 11 d'o maitín dica la nuei, i abrá tallers, amostranza, teyatro, mosica, animazión, puestos de benda y informazión d'as asoziazions...

Charraire Fest, 12 de chunio en Pandicosa

Charraire Fest 2010

A fiesta d'as luengas d'Aragón
La festa de les llengües d'Aragó
La fiesta de las lenguas de Aragón

Pandicosa / Panticosa
12 chunio / juny / junio

Baxada de nabatas por a Zinca

III Fira de la música i la cultura aragonesa

II Mundialet anti-racista

Iste sabado, diya 15, va a estar o II Mundialet anti-racista de fútbol y baloncesto, y Nogará va a tornar a participar-ie.


Quiers chugar? te quedas a la chenta vechetariana (4€)?

Mosicos por un Aragón trilingüe

A rasmia d'as nuestras luengas.

8 de mayo 2010
20.00 horas
Devizio (C/ Lozano Monzon, Zaragoza)

Los Draps
http://www.myspace.com/losdrapsfranja

Prau
http://www.myspace.com/enoprau

Atland
http://www.myspace.com/atlandmetal

Pre unico 7€
Organiza A.C. Nogara (con l'aduya de Magofermin)

23 d'abril, o día d'Aragón

Autibidaz ta iste cabo de semana

XVII Chornadas d'as luengas d'Aragón

XII Borina por l'aragonés

Zincomarzada 2010

Maitín zilebraremos a Zincomarzada, fiesta con sentir sozial que estió bedada mientras o franquismo. Á la fin se ferá en o Parque d'Orién, que en l'Arbolera no se culliba... A fiesta prenzipirá á las 10 d'o maitín y durará dica las 6 d'a tardi, con autuazions mosicals de toda mena seguntes l'orario:
* 12 - 13 oras: Dulzaineros del Bajo Aragón
* 13 - 14 oras: Dixie Rue del Percebe
* 14 - 15 oras: Candelita y los Peques del Ritmo
* 16 - 17 oras: Arumá
* 16 - 17 oras: David Tejedor

Tos i asperamos! (millor en auto-linia)

Nogara con a Buena Chent!

L'Asoziazión Cultural Nogará estió presén en o festibal Buena Chen, feito iste cabo de semana en Zaragoza, do partizipó en a organizazión y con un puesto de materials en o propio conzierto, y de maitins en as actibidaz d'a Plaza San Bruno.

L'ochetibo d'ista segunda edizión estió fer esquimen contra la crisis.

Conzierto folclore solidario

Iste domingo día 28, en o Zentro Zebico Unibersidá y dende as 17:00 oras dica las 20:30, semos combidaus á sentir buena mosica por una sobrebuena causa. O donatibo será de 5 euros, que s'emplegarán en procheutos de colaborazión y aduya internazional d'a Cruz Roya.

Mercau solidario Tinkunakama

Ta iste cabo de semana, l'asoziazión Tinkunakama ha parau un mercau solidario an que podrez mercar ropa emplegada y alportar a buestra aduya ta una casa de ninos en Cochabamba (Bolibia). Será en o bar Eve's Bagou, en a carrera don Chuan d'Aragón.

Buena chen

Buena Chen ye un procheuto que tien por finalidá fer un conzierto y atras autibidaz paralelas con caráuter añal en refirme y luita de causas chustas. En ista edizión o tema zentral ye a chen marguinada sozialmén, y o 50% d'o benefizio irá destinau a la creyazión d'una ofizina de dreitos sozials.
As autibidaz prenzipirán o día 20 de febrero a las 11 d'o maitín en a Plaza San Bruno, con pasabillas, palotiaus, mosica, chenta, teyatro y chuegos.

De tardis-nueis a borina continará en a Sala Multiusos de l'Auditorio, con un gran conzierto en que tañerán Tako, Lurte, Soziedad Alkoholica y Violadores del Verso entre atros.

De seguras mos i trobamos iste sabado!

Chuebes Lardero

Iste chuebes 11 ye o Chuebes Lardero u Chorizet, lo diya que siñala l'inte de surtida d'as garrastolendas u carnabals.
En ista calendata, a chen gosaba salir ta lo campo á minchar e se feban corridas de bimardos de tardis; cuan lo sol yera cacho e se feba de nueit se zelebraba lo baile d'esfrazes. Encara güei, sobretot en os lugars, se remera este diya con brendas y entropans de lenguaniza. D'astí la mazada de «Jueves Lardero, longaniza en el puchero».
En Benás se diz Chous lardé, en Campo Chous gras. En Alcañiz e Sant Per de Calanda se clama Chorizet (prenunziato chorizer en os d'os lugars e tamién chorizé en Sant Per). Pa los d'Alcañiz ye una de las fiestas més importans de l'año, pero pa Sant Per e atros lugars d'Aragón ye agora una fiesta més e no implica dixar de treballar u d'ir ta la escuela.
Como ye tradizión, feremos a suya zena correspondién en Nogará, a ixo d'as 21:00, biene-te-ne.
A plantar fuerte!

I Mundialet Antirrazista de Zaragoza

I Mundialito Antirracista de Zaragoza from losingART on Vimeo.

Fiesta d'as mascaretas en Agüero

egunkaria libre!

Tal y como fazió a redazión d'a rebista Espiello en 2003, a o poco de saber-se que l'Audienzia Nazional eba trancau o unico diyario d'opinión en luenga basca Egunkaria. A redazión d'o Espiello, y prou que l'asoziazión a la que representa, torna a solidarizar-se con iste, deban d'a zelebrazión d'o chuizio en o mes d'abiento.A tamas de que a fiscalía solizitó l'archibo finitibo d'o caso por manca de prebas y atendendo soque a l'acusazión popular de AVT y Dignidad y Justicia, l'audienzia nazional dezidió a zelebrazión de dito chuizio. Amostramos a nuestra solidaridá con as personas chuzgadas y o nuestro compromís con os dreitos democraticos que se beyen rebaixaus en iste prozeso que nos pertoca a toz y todas.

Cronica "To shoot an elephant"

L'enguero d'o documental "To shoot an elephant" estió una aizión a ran mundial desembolicada o pasau lunes 18 de chenero, con más de 300 procheczions en más de 30 países. En Zaragoza, l'Asoziazión Cultural Nogará estió un d'os tres puestos que fazión parti d'ista aizión, fendo una procheczión en a suya siede d'a carrera Gavín.

Os sozios y sozias, alumnos y alumnas, amigos y amigas de Nogará que se i amanón plenón a cambra ta bier o documental de Roberto Arce, que nos rezenta a trabiés d'actibistas internazionals de paz as continas esferras que biben os abitadors y abitaderas d'a Francha de Gaza en o preto d'a operazión "Plomo Fundiu" de 2009.

O documental de si fa u no fa 2 oras de durazión ye grabau en arabe y anglés, y cuenta amás con subtitols traduzius a 14 luengas. Nogará estió a entidat encargada d'a traduczión a l'aragonés.

TO SHOOT AN ELEPHANT

Iste lunes 18 de chinero se ferá a presentazión mundial d'a zinta "To shoot an elephant". Yes combidau/ada á la procheuzión que se ferá en Nogará dende as güeito d'a tardi d'o bidio que tamién s'ha traduziu á l'aragonés.

Conzierto de cantautors por un Aragón trilingüe