miércoles, 8 de junio de 2011
Festival "Amplificando el silencio 2"
D'a man de Magofermín, torna o festival "Amplificando el silencio" en a suya segunda edición. Mientres os diyas 10 y 11 de chunio, podremos disfrutar de conciertos a o canto de l'Ebro y d'a Uerva, amás de bellas actividatz ta empentar y refirmar a cultura libre. Nogará i participará o sabado con un puesto de material.
martes, 31 de mayo de 2011
CERÇ: IV Fira de la música i la cultura aragonesa
Iste sabado 4 de chunio torna como ya ye costumbre cada anyada arredol d'istas calendatas a IV Fira de la música i la cultura aragonesa CERÇ, que se fa en Massalió/Mazalión, localidat d'a redolada d'o Matarranya en Teruel.
I habrá mientres tot lo diya puestos de colectivos relacionaus con a cultura aragonesa (entre ells Nogará), amás d'a VIII Trobada de donzainers, grallers y geganters (una d'as mas grans d'Aragón) y de nueitz conciertos con Azero, Omeveigues, Comando Ramone y Los Draps. Puesto d'acampada y dentrada de baldes.
Un buen cabo de semana ta disfrutar d'a cultura aragonesa, no te lo pierdas!
martes, 5 de abril de 2011
XVIII Chornadas d'as luengas d'Aragón
A semana venient tenemos uno d'os actos mas importants que fa l'Asociación Cultural Nogará: as Chornadas por as Luengas d'Aragón, que ya van por a deciueitena edición (que se diz luego!). Istas serán as actividatz y charradas que se i ferán:
XVIII Chornadas d'as luengas d'Aragón
De l'11 a o 16 d'abril de 2011
Centro Joaquín Roncal (C/ Sant Braulio 5-7)
Lunes 11, 19h
Situación d'as luengas d'Aragón
José Bada (President d'o Consello Superior d'as luengas), Marta Marín (Secretaria) y Mª Antonia Martín Zorraquino (Vicepresidenta).
Martes 12, 19h (en a carrera)
Visita menada en aragonés per as carreras de Zaragoza que teneban, u encara tienen, nombre en aragonés
Chorche Romance (Troballa), periodista y historiador.
Miércols 13, 19h
Neofablants y amostranza
AEK (euskara)
Carlos Asín (Nogará)
Chueves 14, 19h
Historia de l'aragonés en a ciudat de Zaragoza
Guillén Tomás, licenciau en Historia y experto en aragonés meyeval.
Viernes 15, 19h
Meyos de comunicación
Experiencias de comunicación en aragonés y catalán dende Teruel: radio, periodico y TV. Chino-chano, Mosicaire, Radio Matarranya y Noticies del Matarranya.
Sabado 16, 11:30 (Pza. Sant Bruno)
Clase d'aragonés en a carrera
21h (Sala López, Sixto Celorrio 2)
Concierto Prau + Dixebra
miércoles, 30 de marzo de 2011
Concierto 16 d'abril Dixebra + Prau
L'Asociación Cultural Nogará-Religada ha parau ta iste mes d'abril una nueva edición d'as Chornadas d'as Luengas d'Aragón, y con ista ya en van deciueito! Una semana de charradas y actividatz que tendrá la suya rematadera o sabado 16 d'abril, con un concierto que meterá la fin a ista fita anyal.
DIXEBRA
http://www.myspace.com/dixebraoficial
Tornan a enrestir con a chira 'Bailla la crisis' que por segunda vegada en istas quasi 25 anyadas d'historia los porta ta Zaragoza. Con l'asturiano como luenga y os sonius d'a gaita por sinyal han conseguiu estar reconoixius a ran internacional. Rock contundent d'os 80 que ha sabiu esviellar-se ta continar "dándo-yos caña"
PRAU
http://www.myspace.com/enoprau
Tres discos editaus y un quatreno en a recamara. Diez anyadas han pasadas dende ixe "Ye tiempo d'enrestir" en os que han madurau o suyo soniu y refincau o compromis con o suyo propio estilo. Letras sinceras y amanadas, rock d'a tierra, dende a luenga aragonesa a os intrumentos populars.
Sala López
C/ Sixto Celorrio, 2
Vico d'O Rabal, Zaragoza
Dentrada 10€
Merca-te-ne una en 'A Flama' (C/ Mayor, 53) 'Pottoka' (C/ Martín Carrillo, 3) y 'El Refugio del Crápula' (C/ Mayor, 56)
Organiza
A.C. Nogará-Religada (adintro d'as XVIIIenas Chornadas d'as Luengas d'Aragón)
http://www.nogara-religada.org/
DIXEBRA
http://www.myspace.com/dixebraoficial
Tornan a enrestir con a chira 'Bailla la crisis' que por segunda vegada en istas quasi 25 anyadas d'historia los porta ta Zaragoza. Con l'asturiano como luenga y os sonius d'a gaita por sinyal han conseguiu estar reconoixius a ran internacional. Rock contundent d'os 80 que ha sabiu esviellar-se ta continar "dándo-yos caña"
PRAU
http://www.myspace.com/enoprau
Tres discos editaus y un quatreno en a recamara. Diez anyadas han pasadas dende ixe "Ye tiempo d'enrestir" en os que han madurau o suyo soniu y refincau o compromis con o suyo propio estilo. Letras sinceras y amanadas, rock d'a tierra, dende a luenga aragonesa a os intrumentos populars.
Sala López
C/ Sixto Celorrio, 2
Vico d'O Rabal, Zaragoza
Dentrada 10€
Merca-te-ne una en 'A Flama' (C/ Mayor, 53) 'Pottoka' (C/ Martín Carrillo, 3) y 'El Refugio del Crápula' (C/ Mayor, 56)
Organiza
A.C. Nogará-Religada (adintro d'as XVIIIenas Chornadas d'as Luengas d'Aragón)
http://www.nogara-religada.org/
viernes, 25 de marzo de 2011
Trobada d'alumnos y socios 27 de marzo
Iste domingo 27, Nogará ferá una trobada ta alumnos y socios. O plan ye o venient:
Hora: | Actividat |
11:00 h | Recepción en Nogará. Presentación d'as actividatz de l'asociación y a suya historia, s'amuestra a botiga, o Espiello. |
13:00 h | Chenta en o parque, cada persona se traye lo que quiere chentar. Bella actividat de convivencia, ya se vera que se puede fer (Chuegos tradicionals, tanyer intrumentos tradicionals, bailar bailes tradicionals, chuegos de rol,...) |
16:00 h | Café en A FLAMA, explicacion de qué ye a FLAMA mientres nos femos un café. |
16:30 h-17:00 h | Vesita guiada por Zaragoza (2€) a cargo de Troballa |
19:00 h | A chent torna ta casa. |
martes, 1 de marzo de 2011
Chueves 3 de marzo: chueves lardero
O chueves venient, 3 de marzo, ye Chueves Lardero u Choricet, o diya que sinyala l'inte de surtida d'as garrastolendas u carnavals.
En ista calendata, a chent gosaba de salir t'o campo a minchar y se feban corridas de bimardos de tardis; quan o sol yera cacho y se feba de nueitz, se celebraba o baile d'esfraces. Encara hue, mas que mas en os lugars, se remera iste diya con brendas y entropans de longaniza. D'astí a mazada de «Jueves Lardero, longaniza en el puchero».
En Benás se diz Chous lardé, en Campo Chous gras. En Alcanyiz y Sant Per de Calanda se clama Choricet (prenunciau choricer en os dos lugars y tamién choricé en Sant Per). T'os d'Alcanyiz ye una d'as fiestas mes importants de l'anyo, pero ta Sant Per y atros lugars d'Aragón ye agora una fiesta mes, y no implica deixar de treballar u d'ir t'a escuela.
Como ye tradición, feremos a suya cena correspondient en Nogará (C/ Gavín 6), a ixo d'as 21h, viene-te-ne.
A plantar fuerte!
En ista calendata, a chent gosaba de salir t'o campo a minchar y se feban corridas de bimardos de tardis; quan o sol yera cacho y se feba de nueitz, se celebraba o baile d'esfraces. Encara hue, mas que mas en os lugars, se remera iste diya con brendas y entropans de longaniza. D'astí a mazada de «Jueves Lardero, longaniza en el puchero».
En Benás se diz Chous lardé, en Campo Chous gras. En Alcanyiz y Sant Per de Calanda se clama Choricet (prenunciau choricer en os dos lugars y tamién choricé en Sant Per). T'os d'Alcanyiz ye una d'as fiestas mes importants de l'anyo, pero ta Sant Per y atros lugars d'Aragón ye agora una fiesta mes, y no implica deixar de treballar u d'ir t'a escuela.
Como ye tradición, feremos a suya cena correspondient en Nogará (C/ Gavín 6), a ixo d'as 21h, viene-te-ne.
A plantar fuerte!
lunes, 28 de febrero de 2011
Semana Cultural aragonesa en o distrito Universidat de Zaragoza
Maitín martes y dica o viernes se ferá en o Centro Civico Universidat a Semana Cultural aragonesa. Astí abaixo tenetz o cartel (en grafía viella).
Nogará i participará con a colla teatral "Algabenaires" que ripresentará a obra "O yayo volador", y o viernes l'asociación i meterá puesto.
Ta más información, o cartel:
Nogará i participará con a colla teatral "Algabenaires" que ripresentará a obra "O yayo volador", y o viernes l'asociación i meterá puesto.
Ta más información, o cartel:
jueves, 24 de febrero de 2011
III Festival Buena Chent
Unatra anyada más (y en son tres) plega o festival Buena Chent, iste sabado. Aquí tenetz más información d'o festival.
Nogará i participará metendo puesto de material y información de maitins en a Pza. S. Bruno dende as 11 h. d'o maitín, y de nueitz dende a ubridura de puertas en a Sala Multiusos.
Nos i viyemos!
viernes, 4 de febrero de 2011
Parando as venients actividatz...
Encara que o blog siga aturau... nusatros/as somos parando as venients actividatz!:
- 26 de febrero: 3er festival "Buena chent" en a Sala Multiusos a las 20:30 h. Nogará i será present con puesto de material.
- 3 de marzo: Chueves lardero. A las 21 h. cena en a tabierna de Nogará:
Menú: uegos con espargos, longaniza, lamins, cava, aranyons... pre: bells 4€ (no bi incluye as bieras d'a tabierna).
- 4 de marzo: Chornadas aragonesas en o C.C. Universidat (actividatz dende l'1 dica o 4).
- 5 de marzo: Cincomarzada. I meteremos puesto y feremos chenta. Amana-te-ie dende as 11 h.
Tos i asperamos!
- 26 de febrero: 3er festival "Buena chent" en a Sala Multiusos a las 20:30 h. Nogará i será present con puesto de material.
- 3 de marzo: Chueves lardero. A las 21 h. cena en a tabierna de Nogará:
Menú: uegos con espargos, longaniza, lamins, cava, aranyons... pre: bells 4€ (no bi incluye as bieras d'a tabierna).
- 4 de marzo: Chornadas aragonesas en o C.C. Universidat (actividatz dende l'1 dica o 4).
- 5 de marzo: Cincomarzada. I meteremos puesto y feremos chenta. Amana-te-ie dende as 11 h.
Tos i asperamos!
Suscribirse a:
Entradas (Atom)